សារៈប្រយោជន៍របស់ ដើមត្នោត
ជាមោទនភាពមួយ ដែលខ្មែរបានច្នៃវត្ថុធាតុដើមរបស់ខ្លួន ឲ្យទៅជាផលិតផល ដែលជាតម្រូវការសម្រាប់ ប្រជាជនខ្មែរ។ វាមានធាងធំៗ និងមានកំពស់ពី ១០ ទៅ ២៥ ម៉ែត្រ ដើមត្នោត ត្រូវបានគេប្រកាសជានិមិត្តរូប ដើមឈើជាតិនៃ ព្រះរាជាណាចក្រកម្ពុជា ដូចមានចែង ស្រាប់ក្នុងព្រះរាជក្រឹត្យចុះថ្ងៃទី ២១ មិនា ឆ្នាំ២០០៥ ។
ដើមត្នោតត្រូវបានគេចាត់ទុកជា មរតជាតិមួយ ហើយត្រូវបានដាក់នៅក្នុងក្រដាស់ប្រាក់ ៥០០រៀល ទៀតផង មាននៅស្ទើរគ្រប់ ទីកន្លែងក្នុងព្រះរាណាចក្រកម្ពុជា។ ដើមត្នោតបានផ្តល់ប្រភពចំណូលមួយយ៉ាងសំខាន់ចំពោះប្រជាជនខ្មែរ ជាច្រើន។ គ្រប់ផ្នែកនៃដើម ត្នោតនេះ បានផ្តល់ជាសម្ភារៈប្រើប្រាស់ជាច្រើន សំរាប់គេហដ្ឋាន។ បើនិយាយទៅដើមត្នោត វាជារុក្ខជាតិដែលមានប្រយោជន៍ដ៏សំខាន់ តាំងពី ស្លឹក ធាង ដើម ផ្លែ សូម្បីតែ ស្រកី ឬស និងបន្តូល វាក៏មានប្រយោជន៍ដែរ។ ដើមរបស់វាគេអាចយកធ្វើជាចង្កិះ ស្លាបព្រា សម ចាន ពែងតែ ពែងកាហ្វេ និងចានទាបជាដើម។ ស្លឹករបស់វាយកមក ប្រក់ដំបូលផ្ទះ ធ្វើជា ជញ្ជាំង កន្ទេល កញ្ជ្រែង ផ្លិត និងមួកជា ដើម។ មែកធាងរបស់វាអាចយកមកធ្វើជារបង ខ្សែ ឬ ខ្សែស្បែកជើងផ្ទាត់។ ស្រកីវាយកមកបង្កាត់ភ្លើង ឬសវា សម្រាប់ដុត និងបណ្តូល វាយកទៅស្លរបានយ៉ាងឆ្ងាញ់ទៀតផង។ ចំណែកទឹកត្នោត អាចយកមកពិសារបានភ្លាមៗយ៉ាងផ្អែម ហើយវាអាចធ្វើទឹកត្នោតជូរ ធ្វើស្ករ ឬទឹកខ្មេះ ជាពិសេសបច្ចុប្បន្ននេះគេអាចយកធ្វើស្រាបានទៀតផង។ ចំណែកឯផ្លែត្នោតវិញ អាចយកមកពិសារស្រស់ៗ និងយកទៅធ្វើ ជាបង្អែម-ល-។
គួររំលឹកថា ក្រោយពីប្រទេសកម្ពុជា មានការអភិវឌ្ឍរីកចំរើនទាំងគ្រប់វិស័យ ដើមត្នោតជារុក្ខជាតិដ៏សំខាន់សម្រាប់កម្ពុជា ត្រូវបានគេកាប់ បំផ្លាញជាន្តបន្ទាប់ ធ្វើឲ្យដើមត្នោតបាត់បង់បន្តិចម្តងៗជាលំដាប់។
No comments:
Post a Comment