អ្នកស្រី ពៅ ឌីណា ជាម្ចាស់កសិដ្ឋានកន្និកា ជាកសិដ្ឋានដំបូងគេបង្អស់ដែលនាំយកនូវប្រព័ន្ធការដាំបន្លែសម័យ ទំនើបហៅថា “ហៃដ្រូផូនិក” ចូលមកក្នុងប្រទេសកម្ពុជាប្រាប់ថា ហៃដ្រូផូនិកគឺជាការដាំបន្លែដោយមិនបាច់ប្រើដី ដែលនេះជាបច្ចេកទេសថ្មីក្នុងការដាំបន្លែដែលបណ្តាប្រទេសជឿនលឿន មួយចំនួន កំពុងអនុវត្តនិងទទួលបានលទ្ធផលយ៉ាងគាប់ប្រសើរ។
“បច្ចេកទេសថ្មីនេះ ធ្វើឲ្យយើងអាចទទួលបានបន្លែដែលមានអនាម័យដែលផ្តល់សុខភាពល្អដល់ អ្នកទទួលទាន ដោយសារការដាំដុះមិនប៉ះពាល់សារធាតុគីមីដែលមាននៅក្នុងដី។ អ្នកស្រីបញ្ជាក់យ៉ាងដូច្នេះ។
អ្នកស្រីបានបន្តទៀតថា កសិករមួយចំនួនបានចាប់អារម្មណ៍បច្ចេកទេសថ្មីនៃការដាំដុះនេះ ដោយបានមកសិក្សា និងដកស្រង់បទពិសោធន៍មើលពីគំរូដាំដុះផ្ទាល់នៅកសិដ្ឋានរបស់ អ្នកស្រី ដោយខ្លះគេសិក្សាដើម្បីដាំលំអតាមផ្ទះ និងទុកបរិភោគ ប៉ុន្តែខ្លះទៀតសិក្សាដើម្បីយកគំរូដាំដុះសម្រាប់លក់លើទីផ្សារ។
No comments:
Post a Comment