អ្នកស្រាវជ្រាវរបស់អាមេរិកអះអាងថា
ទឹកសណ្តែក(ពណ៌ស)មិនត្រឹមតែផ្តល់ផលល្អសម្រាប់អ្នកខ្វះស្ករ
ប៉ុណ្ណោះទេ ប៉ុន្តែវាក៏ផ្តល់ផលល្អដល់សុខភាពថ្លើមផងដែរ ។ ក្រុមអ្នកស្រាវជ្រាវមកពីសាកលវិទ្យាល័យអីុលីណយ សហរដ្ឋអាមេរិកបានរកឃើញថា ប្រូតេអុីនសណ្តែកជាពិសេសនៅក្នុងតៅហ៊ូ អាចកាត់បន្ថយការកកើតខ្លាញ់អាក្រក់ក្នុងថ្លើម ។
ទោះជា យ៉ាងណា លទ្ធផលនៃការរកឃើញនេះ គឺគ្រាន់តែជាដំណាក់កាលដំបូងប៉ុណ្ណោះដ្បិតការពិសោធទើបធ្វើ លើសត្វកណ្តុរនៅឡើយ។
អំឡុងការពិសោធ ពួកអ្នកវិទ្យាសាស្ត្របានពិនិត្យមើលជាចំបងលើថ្លើមកណ្តុរស្គម និងកណ្តុរធាត់ក្រោយពីពួកវាត្រូវបានឱ្យចំណីស៊ីដែលមានផ្ទុក ប្រូតេអីុនសណ្តែកដូចគ្នា ។ ជាលទ្ធផលបង្ហាញថា កណ្តុរស្គមគ្មានការខុសប្លែកឡើយ ប៉ុន្តែកណ្តុរធាត់វិញ កម្រិតខ្លាញ់នៅក្នុងថ្លើមរបស់វាត្រូវបានកាត់បន្ថយអស់ ២០%។ ចំណែកខ្លាញ់ Triglycerides ដែលគេស្គាល់ថាជាខ្លាញ់អាក្រក់ធ្វើឱ្យគ្រោះថ្នាក់ដល់បេះដូងក៏ ត្រូវបានកាត់បន្ថយក្នុងកម្រិតដូចគ្នាផងដែរ ។ នេះមានន័យថា ទឹកសណ្តែកអាចទប់ទល់ប្រឆាំងនឹង«ជំងឺខ្លាញ់ក្នុងថ្លើម» ។
អ្នកដឹកនាំការសិក្សាស្រាវជ្រាវ វេជ្ជបណ្ឌិត Hong Chenមកពីសាកលវិទ្យាល័យអីុលីណយបានបញ្ជាក់ថា ស្ទើរ១/៣នៃមនុស្សពេញវ័យជាពិសេសនៅអាមេរិក កើតមានជំងឺខ្លាញ់ក្នុងថ្លើម ហើយភាគច្រើននៃពួកគេគឺគ្មានរោគសញ្ញា ។ ការធាត់ដុះពោះលើសទម្ងន់ គឺជាកត្តាប្រឈមដ៏ផុយស្រួយមួយនៃជំងឺខ្លាញ់ក្នុងថ្លើម ។ នៅពេលខ្លាញ់ប្រមូលផ្តុំក្នុងសរីរាង្គមួយដែលមិនមានតួនាទីជា កន្លែងស្តុកខ្លាញ់តួយ៉ាងដូចជាថ្លើម ដូច្នេះមុខងារសំខាន់របស់សរីរាង្គនោះស្ថិតក្នុងភាពគ្រោះ ថ្នាក់ហើយ ។
លោកវេជ្ជបណ្ឌិតបានបន្ថែមថា បុគ្គលដែលធាត់ៗតែងមានបញ្ហានៃការធ្វើដំណើរ ហើយខ្លាញ់ច្រើនលើសលប់អាចហៀរចេញពីថ្លើម ៕
ប្រភព៖ កោះសន្តិភាព
No comments:
Post a Comment