អង្ករសំរូប

អង្ករសំរូប៖ នេះជាអង្ករមិនទាន់ ស្រិតអោយមានពណ៌ សរលោង អស់ជាតិកន្ទក់ នៅសំបកក្រៅ បន្ទាប់ពីកិនអុំយកអង្កាមចេញ។ ប៉ុន្តែអង្ករសំរូប ដែលនៅមានសំបកកន្ទក់ មានវីតាមីនល្អ សម្រាប់បរិភោ ជួយសុខភាព អោយប្រសើរមាំមួន ជាពិសេសសម្រាប់អ្នកមាន ជំងឺទឹកនោមផ្អែម។

អង្ករស្រូវវារ៖ អង្ករស្រូវវាមានពណ៌ក្រហមឆ្នូត ព្រឿង បាយរឹង ដាំឆ្អិន គ្រាប់បាយមិនជាប់គ្នាទេ។ តែអង្ករស្រូវវារ មានប្រយោជន៍ប្រសើរ សម្រាប់ការធ្វើនំ ដូចជា នំបញ្ចុក នំអាកោ នំគ

្រក់ជាដើម ព្រោះអង្ករនេះ ដាំបាយឡើង បានច្រើន ហើយបើធ្វើជាម្សៅ អាចធ្វើនំបានច្រើន ជាងស្រូវស្រែធម្មតា។ អង្ករនេះ មិនសូវមានជាតិផ្អែមទេ ដូច្នេះ អង្ករនេះ ជាអង្ករល្អប្រសើរ សម្រាប់អ្នកមាន ជម្ងឺទឹកនោមផ្អែម យកដាំបរិភោគ។

អង្ករស្រូវធ្ងន់៖ ស្រូវធ្ងន់ជាស្រូវដែលដុះនៅតំបន់ដែលមានទឹកច្រើន តែមិនមែនជាតំបន់ទឹកលិចធំៗនោះដែរ។ ស្រូវធ្ងន់ត្រូវការពេលប្រហែល ៥-៦ខែ ទើបអោយផល។ ស្រូវធ្ងន់មានរសជាតិឆ្ងាញ់ជាងគេ មានរសផ្អែម មានកម្រិតខ្ពស់ មានជាតិទន់ស្អិតល្អ ហើយមានពណ៌សរលោង ដាំពុំសូវឡើងចំនួនប៉ុន្មានទេ ថ្វីបើមានរសជាតិឆ្ងាញ់បំផុត។

អង្ករស្រូវស្រាល៖ ស្រូវស្រាវត្រូវការពេលដាំ តែបីខែបានច្រូត។ គេច្រើនដាំនៅតំបន់ដែលមានទឹកតិច មានការរាំងស្ងួតឆាប់រហ័យ ដូច្នេះ មិនសូវរង់ចាំពេលយូរ សម្រាប់ច្រូតប្រមូលផល។ ប៉ុន្តែស្រូវស្រាល ផ្តល់អង្ករគ្រាប់តូចៗ មិនសូវមានរសជាតិឆ្ងាញ់ ដូចអង្ករស្រូវធ្ងន់ទេ តែនៅប្រសើរជាង អង្ករស្រូវវារ។

អត្ថបទដោយ៖ អ្នកស្រី កែវ ច័ន្ទបូរណ៍